İQTİSADİ SABİTLİK KONTEKSTİNDƏ SAHİBKARLIQ TƏHSİLİNİN İNKİŞAF TRENDLƏRİ VƏ PROBLEMLƏRİ

Xülasə

Bu məqalə davamlı inkişaf, şəxsiyyətin formalaşması və institusional transformasiya kontekstində sahibkarlıq və sahibkarlıq təhsili sahəsində müasir yanaşmaların multidissiplinar təhlilini təqdim edir. Son dövrlərdə aparılmış beynəlxalq tədqiqat-lara əsaslanaraq, araşdırmada sahibkarlıq tədris mühitlərinə inklüziv, dəyəryönlü və transdissiplinar kompetensiyaların inteqrasiyası məsələsi geniş şəkildə araşdırılır. Xüsusi diqqət, sosial və iqtisadi transformasiyanın əsas hərəkətverici qüvvələri kimi daxili inkişaf hədəfləri (Inner Development Goals – IDG), sahibkarlıq rolu model-ləri, ailə biznes komandaları və akademik sahibkarlığın roluna yönəldilmişdir.
Tədqiqat ənənəvi sahibkarlıq təhsilinin məhdudiyyətlərini vurğulayır; belə ki, bu modellər çox zaman şəxsi və etik ölçüləri nəzərə almır. Məqalədə praktik təlimi, emosional intellekti və sosial məsuliyyəti birləşdirən daha holistik (bütövləşdirilmiş) bir modelin tətbiqi təklif olunur. Əldə olunmuş nəticələr göstərir ki, sahibkarlıq təkcə iqtisadi fəaliyyət kimi deyil, həm də mədəni, institusional və pedaqoji konteksdə formalaşdırılan sosial bir fenomen kimi qiymətləndirilməlidir.
Məqalədə müəllimlər, siyasətçilər və praktiki sahə nümayəndələri üçün sahibkarlıq ekosistemlərini gücləndirmək məqsədilə innovativ tədris strategiyaları, risklərin idarə edilməsi modelləri və institusional islahatlara dair tövsiyələr irəli sürülür. Bu tədqiqat sahibkarlığın çoxölçülü konstruksiya kimi nəzəri əsaslandırılmasına töhfə verir və qlobal çağırışlara cavab verə bilən, uyğunlaşma qabiliyyətli, etik və dayanıqlı sahibkarlıq kimliyinin formalaşdırılması üçün praktik baxış bucaqları təqdim edir.