Jurnal haqqında
Azərbaycan Dövlət İqtisad Universitetinin (UNEC) 95 illik yubileyi
münasibətilə UNEC Dizayn məktəbi tərəfindən nəşr edilən "Dizaynın aktual
problemləri" jurnalının bu xüsusi buraxılışını dəyərli oxucularımıza təqdim
etməkdən məmnunluq duyuruq.
Bu xüsusi buraxılış ölkəmizdə yaradıcı sənayelərin inkişafına dair strateji
istiqamətləri və qlobal dizayn trendlərini əks etdirən tədqiqatları bir araya
gətirmək məqsədilə hazırlanmışdır. Jurnalımız həm milli dizayn irsinin
qorunmasına, həm də rəqəmsal transformasiya və müasir texnologiyaların dizayn
sahəsindəki tətbiqlərinə dair aktual elmi mövzulara toxunur.
"Dizaynın aktual problemləri" jurnalı il ərzində iki dəfə azərbaycan, rus və
inglis dillərində nəşr olunur və yalnız elmi ekspertiza prosesindən keçmiş
məqalələri dərc edir. Burada UNEC-in dizayn və tətbiqi incəsənət sahəsində
mütəxəssislərin, gənc tədqiqatçıların və beynəlxalq akademik ictimaiyyətin elmi
işlərinə geniş yer verilir.
Jurnalın əsas auditoriyası - ali təhsil müəssisələrinin müəllim və
tədqiqatçıları, magistr və doktorant tələbələr, eləcə də yaradıcılıq, dizayn, vizual
kommunikasiya və mədəni irs sahələrində çalışan mütəxəssislərdir.
UNEC-in 95 illik təcrübəsinə və elmi potensialına əsaslanaraq, biz bu
jurnalı təkcə akademik platforma kimi deyil, həm də dizayn sahəsində
multidissiplinar əməkdaşlıqları təşviq edən, milli kimliyi müasir yanaşmalarla
birləşdirən bir forum kimi görürük. Gələcəkdə jurnalı beynəlxalq bazalarda
indeksləşdirməyi, tematik buraxılışlar və konfranslarla dizayn sahəsində aktual
Dizaynın aktual problemləri 1(1) 2025
problemləri müzakirə etməyi və gənc tədqiqatçıların dəstəyini artırmağı
planlaşdırırıq.
Bu jurnalın ərsəyə gəlməsində əməyi keçən bütün müəlliflərə, rəyçilərə və
redaksiya heyətinə dərin təşəkkürümüzü bildiririk. Ümid edirik ki, jurnalımız
dizayn sahəsində elmi axtarışlar üçün ilham mənbəyi olacaq, yeni əməkdaşlıqlara
zəmin yaradacaq və UNEC-in yaradıcı elm mühitinə layiqli töhfələr verəcəkdir.
Yeni nömrə
