AZƏRBAYCANDA ALİ TƏHSİLDƏ SOSİAL MEDİALARIN CAVABI VƏ İNSTİTUSİONAL REPUTASİYA:CAVABIN NÖVÜ ƏHƏMİYYƏTLİDİRMİ?

Xülasə

Tədqiqatın əsas məqsədi Azərbaycanda ali təhsil müəssisələri kontekstində sosial media cavablılığının institusional reputasiyaya təsir mexanizmini müəyyən etməkdir. Xüsusilə bu təsirin ictimai cəlbetmə strategiyası və rəqəmsal etibar vasitəsilə ardıcıl vasitəçilik modeli əsasında formalaşıb-formalaşmadığı araşdırılır. Tədqiqat kəmiyyət yanaşmasına əsaslanaraq, kəsikvari dizaynla həyata keçirilmiş və ölkənin dövlət və özəl universitetlərində təhsil alan 412 tələbə arasında onlayn sorğu aparılmışdır. Tədqiqat məlumatları Qismən Ən Kiçik Kvadratlar Struktur Tənlik Modelləşdirməsi (PLS-SEM) metodu ilə, 5.000 bootstrap nümunəsi əsasında təhlil edilmişdir. Nəticələr göstərir ki, sosial media cavablılığının institusional repute-siyaya birbaşa təsiri statistik baxımdan əhəmiyyətli deyildir. Bununla belə, sosial media cavablılığının ictimai cəlbetmə strategiyası və sonradan rəqəmsal etibar vasitəsilə institusional reputasiyaya dolayı təsir göstərdiyini təsdiqləyən tam ardıcıl vasitəçilik effekti müəyyən edilmişdir ($\beta = 0.36, p < 0.001$). Model institusional reputasiyadakı variasiyanın $58\%$-ni izah edir. Tədqiqatın praktik əhəmiyyəti ali təhsil müəssisələrinin sosial mediada cavab sürətindən daha çox dialoq, empatiya və problemlərin effektiv həllinə əsaslanan qarşılıqlı əlaqələri inkişaf etdirməsinin vacibliyini vurğulamasıdır. Elmi yenilik isə inkişaf etməkdə olan ölkə kontekstində rəqəmsal etibarın əsas ardıcıl vasitəçi rolunun əsaslan-dırılmasıdır.