REGİONAL DAYANIQLI SOSİAL-İQTİSADİ İNKİŞAFIN TƏHLİLİNİN VERİLƏNLƏR BAZASININ TƏKMİLLƏŞDİRİLMƏSİNİN NƏZƏRİ ASPEKTLƏRİ

Xülasə

Tədqiqatın əsas məqsədi regionların dayanıqlı sosial-iqtisadi inkişafının təhlilinin verilənlər bazasının təkmilləşdirilməsi istiqamətlərinin elmi-nəzəri əsaslandırıl-masıdır. Regional inkişafın hərtərəfli iqtisadi, sosial və ekoloji qiymətləndirilməsi üçün verilənlər bazasının təkmilləşdirilməsi və rəqəmsal transformasiyaların başlıca tələblərinin nəzərə alınmaqla zənginləşdirilməsi zəruriliyi əsaslandırıl-mışdır. Tədqiqat metodları kimi müşahidə, müqayisəli təhlil, sistemli yanaşma, deduksiya və induksiya, elmi abstraksiya, məntiqi ümumiləşdirmə üsulları və regional inkişafın verilənlər bazasının vəziyyətini səciyyələndirən yanaşmalar tətbiq edilmişdir. Tədqiqatın elmi yeniliyi - ölkədaxili regionların dayanıqlı sosial-iqtisadi inkişafının təhlili məqsədilə istifadə edilən göstəricilərin təsnifatının verilməsi, Azərbaycan regionlarının dayanıqlı sosial-iqtisadi inkişafını ətraflı xarakterizə etmək üçün əlavə göstəricilərin müəyyən edilməsi və onların verilənlər bazasına əlavə edilməsi zəruriliyinin əsaslandırılmasıdır. Tədqiqatın praktiki əhəmiyyəti verilənlər bazasına əlavə ediləcək göstəricilərin regionların dayanıqlı sosial-iqtisadi inkişafının təhlili və idarə edilməsi qərarlarının işlənib hazırlanması üçün istifadə imkanlarında ifadə olunur. Əldə edilmiş nəticələr regionların dayanıqlı sosial-iqtisadi inkişafının təhlilinin verilənlər bazasının möhkəmlən-dirilməsinə xidmət edəcəkdir. Regional inkişafın iqtisadi, sosial və ekoloji təhlilinə dair xülasə edilən elmi-nəzəri müddəalar hərtərəfli təhlilə imkan verən verilənlər bazasının formalaşdırılmasına yardımçı olacaqdır.